Na ABDUL SHABAN
{abdoolmtyro@gmail}
Wewe si mzuri sana, punguza kuniringia
Wazuri nimewaona, sura zao zavutia
Na mengi wewe hauna, ila nimewakimbia
Moyo umekuchagua, kwako ni kama bahati.
Wangapi wamenitaka, watukufu wa tabia
Warembo waloumbika, wakiniona hulia
Nawakataa hakika, ni kwako nakimbilia
Moyo wangu waugua, nimekupenda banati.
Nimesema nakupenda, si vyema kuninunia
Wenzako wananiganda, mapenzi kuyalilia
Nawe waleta mapozi, bahati imekujia
Uache kunizingua,usichezee bahati.
Sina nyumba wala mali,ni mbora wa tabia
Nina mapenzi ya kweli, si kwamba najisifia
Ila najua kujali, kutunza kuhudumia
Juu yako kuchagua, sijesema ya laiti.